Skalvalopini: Hava fingið fleiri skaðafráboðanir

Tryggingarfeløgini hava fingið fleiri skaðafráboðanir seinasta samdøgrið, og í summum førum er talan um stóran skaða.

Betri Trygging hevur higartil fingið 112 fráboðanir um skaða um alt landið. Teir flestu eru í Klaksvík. 

- Beint nú verður dentur lagdur á at veita bráðfeingishjálp, sigur Annika á Heygum, stjóri á skaðadeildini í Betri Trygging:

Skriðulop í Klaksvík, Skalvalop í Klaksvík

Tryggingarfelagið Trygd hevur higartil fingið millum 30 og 50 fráboðanir. 

Fólk frá Trygd vóru í gjár og aftur í dag í Klaksvík og kannaðu skaðar. 

Talan er um skaðar av skalvalopi og vatnskaðar, og fleiri bilar hava eisini fingið skaða.

- Helst koma fleiri skaðafráboðanir aftrat, so hvørt sum fólk, sum í gjár rýmdu undan vandanum fyri skalvalopi, fara aftur til hús, sigur Brian Smedemark, stjóri í Trygd.