Sleppa ikki at seta so nógv út sum ætlað

Hvørki Bakkafrost ella Mowi sleppa at seta út so nógv, sum tey ætlaðu í næsta framleiðsluumfari.

Bakkafrost ætlaði at seta út 1,1 millión smolt í Hvalbiarfirði, men Heilsufrøðiliga starvsstova gav bara loyvi til 900.000.  

Orsøkin er, sigur Heilsufrøðiliga starvsstova, fellið, avmarkaðar royndir, og eitt sera ábært øki.

Hetta gav grundarlag fyri eini varisligari øking, samanborið við framleiðsluumfarið 2021-2022.

Sandsvág og Skúvoyarfjørður

Mowi søkti um loyvi til 1,2 milliónir smolt á Sandsvág og í Skúvoyarfirði.

Mowi fekk loyvi til eina millión og 10.000 smolt.

Her sigur Heilsufrøðiliga starvsstovan orsøkina vera fellið og tiltøk til at fáa minni felli við størri mongd av fiski hava nógvar óvissur við sær. 

Tí er bara grundarlag fyri eini varisligari øking samanborið við framleiðsluumfarið 2021-2022.