Verkfallið í Bretlandi ávirkar jólaferðsluna

Seinasta verkfallið hjá limunum í fakfelagnum fyri starvsfólk innan flutningsgeiran byrjar í kvøld kl. 18 og varar til 27. desember. Flestu tokini gevast at koyra um 3-tíðina seinnapartin. Marknaeftirlitsfólk á flogvøllunum eru eisini í verkfalli. 

Fyrstu verkfalsdagur var í gjár, og tá vóru starvsfólk frá bretska herinum innkallað at standa í passeftirlitinum á flogvøllunum. 

Fakfelagið hjá marknaeftirlitsfólkum sigur, at fleiri fólk sluppu ígjøgnum passeftirlitið uttan nakað veruligt eftirlit. Verkfallið varar árið út, - tó undantikið 27. desember. 

Aðalskrivarin í fakfelagnum PCS, Mark Sewotka, sigur, at verkfallið verður helst hert eftir nýggjár, um politikararnir ikki sessast við samráðingarborðið.