ST-trygdarráðið heitir á Taliban

ST-trygdarráðið heitir á Taliban
ST-trygdarráðið heitti í gjár á Taliban um geva kvinnum og gentum fullan javnrætt og innihaldsríka luttøku í samfelagnum
 
28.12.2022 - 07:37

Í síðstu viku bannaði Taliban kvinnum at fara undir lestur, og leygardagin bannaði stýrið kvinnum at arbeiða fyri altjóða hjálparfelagsskapir. ST-Trygdarráðið sigur, at tað fordømir forboðið og, at tað hevur stóra og avgerðandi ávirkan á hjálparfelagsskapirnar.

Flóttafólkahjálpin, Barnabati, Care og Altjóða Bjargingarnevndin  boðaðu sunnudagin frá, at tey steðga arbeiði sínum í landinum sum avleiðing av banninum. Mánadagin boðaði felagsskapurin Christian Aid og Action Aid frá, at tey eisini gevast við sínum virksemi í Afganistan.

Milliónir av afganum eru sostatt í vanda fyri at missa atgongdina til at fáa mat, heilsurøkt, útbúgving og aðrar týdningarmiklar tænastur.
 

Er kopiera
Nýggjastu sendingar í ÚV
Nýggjastu sendingar í SV
Mikudag 11. juni
Dagur og vika - teknmálstulkað
193101
Týsdag 10. juni
Veðrið
193072
Sunnudag 8. juni
Andakt við Bergi Debes Joensen
192984
Sunnudag 8. juni
Guðstænasta úr Havnar kirkju
192979