Páll Vang farin

Páll Vang, fyrrverandi landsstýrismaður og borgarstjóri á Tvøroyri, er deyður, 73 ára gamal.

Páll Vang, sum var útbúgvin lærari, gjørdist landsstýrismaður í samgonguni millum Sambandsflokkin, Fólkaflokkin og Sjálvstýrisflokkin frá 1981 til 1985, við Paula Ellefsen sum løgmanni.

Páll Vang umboðaði Fólkaflokkin í landsstýrinum, og hann umsat m.a. heilsu- og samferðslumál.

Hann var býráðslimur á Tvøroyri frá 1985 til 2000.

Páll Vang var borgarstjóri frá 1993 til 1996 og aftur frá 1997 til 2000, tá hann legði frá sær vegna sjúku.