Rentustuðul skal mótroknast

Rentustuðul skal mótroknast í øðrum inntøkum, so sum stuðul frá tí almenna.

Sambært lógini um arbeiðsfremjandi tiltøk vera inntøkur, so sum rentustuðul, mótroknaðar í stuðulsveitingini.

Tað sigur Kærustovnurin, sum hevur staðfest eina avgerð hjá Almannaverkinum.

Kært var um, at Almannaverkið mótroknaði rentustuðul í stuðli sambært lógini um arbeiðsfremjandi tiltøk. 

Tað var í lagi, sigur Kærustovnurin.

Men Kærustovnurin heldur tó, at sambært góðum fyrisitingarsiði átti Almannaverkið boðað kæraranum frá mótrokningini, áðrenn mótrokningin var gjørd.