Gongst illa at velja formann í Umboðsmannatinginum

Stríðið um formanssessin í amerikanska Umboðsmannatinginum er ikki av enn.

Royndin at velja republikanaran, Kevin McCarthy, til formann, bar heldur ikki á mál í dag, triðja dagin á rað, skrivar BBC.

Hetta var 11. royndin at velja Kevin McCarthy til formann í Umboðsmannatinginum, nú demokraturin, Nancy Polosi, gevst. Hesaferð vantaðu 20 repulikanskar atkvøður í, men McCarthy hevur ikki mist mótið. 

Umboðsmannatingið, kongressin í USA

Sambært BBC kann tað verða torført hjá McCarthy at fáa allar atkvøðurnar júst í dag, tí nú eru tvey ár síðani álopið á kongressina.

McCarthy fanst tá at sitandi forsetanum í USA, Donald Trump, og bað hann heita á síni viðhaldasfólk um at fara av økinum. 

Trump fanst tá hvassliga at McCarthy, og nú eru tað floksfelagar og viðhaldsfólk hjá Trump, sum halda, at McCarthy er ikki nóg konservativur, og tey vilja ikki hava hann til formann í Umboðsmannatinginum.