Spyr løgmann hvussu nógv landsstýrið kostar

Fyrsti grein 52a fyrispurningurin í hesum valskeiðinum kom longu í gjár.

Jenis av Rana í Miðflokkinum spyr Aksel V. Johannesen, løgmann, hvussu nógv broytingar kosta, sum samgongan hevur gjørt, nú níggju landsstýrisfólk eru í staðin fyri sjey.

Løgmaður verður biðin um at upplýsa og útgreina, hvussu stórur meirkostnaðurin verður.

Í útgreiningini verður hugsað um økta lønarkostnaðin og nýggj ella dagførd høli.

52a fyrispurningar til løgmann ella landsstýrisfólk skulu svarast skrivliga í seinasta lagi 10 yrkadagar eftir, at spurningurin er latin inn.