Frakland ætlar at hækka pensjónsaldurin

Franska stjórnin hevur skotið upp at hækka lægsta pensjónsaldur úr 62 upp í 64 ár frá 2030. 

Uppskotið hevur longu fingið fakfelagsrørsluna at boða frá nýggjum verkføllum 19. januar.

Elisabeth Borne, forsætisráðharri, sigur, at nýskipanin er neyðug til tess at forða fyri, at pensjónsskipanin hevur hall.

Hon sigur, at aldurin hækkar í stigum, og at hon veit, at nýskipanin fer at elva til stúran og nógvar spurningar.

Vallyfti

Pensjónsnýskipan var eitt av vallyftunum hjá Emmanuel Macron, forseta, tá ið hann var valdur í 2017. 

Hann verður av sínum egnu skuldsettur fyri, at hesar ætlanir vóru høvuðsorsøkin til, at flokkurin hjá honum misti meirlutan í tjóðartinginum á valinum í fjør.

Nýggj veljarakanning vísir, at 80 prosent eru ímóti at hækka pensjónsaldurin, skrivar BBC.