- Tíðindi, mentan og ítróttur
Ísraelsmenn skulu bera vápn
Ísraelsmenn skulu bera vápn
Tvey skotálop í tveir dagar í Eystur-Jerusalem fáa nú ísraelska trygdarkabinettið til at skjóta upp, at ísraelsmenn skulu hava lættari atgongd til vápn.
Tveir dagar á rað hevur palestinskur yvirgangur verið í Eystur-Jerusalem
Mynd: Ahmad Gharabli/AFP
29.01.2023 - 10:59
Málið verður umrøtt av politikarum í dag, veit bretska kringvarpið, BBC, at siga.
- Um sivilfólk bera vápn, fáa tey lættari vart seg sjálvan, sigur ísraelski trygdarráðharrin, Itamar Ben-Gvir.
Tvey fólk vóru fyrrapartin í gjár rakt av skotum í Eystur-Jerusalem, og myndugleikarnir halda, at ein 13 ára gamal palestiskur drongur loysti skotini av.
Og í fyrradagin blivu sjey fólk dripin og trý løstað av skotum, somuleiðis í Eystur-Jerusalem.
Ein 21 ára gamal palestini, sum politiið skjeyt og drap, er undir illgruna fyri ta illgerðina.
Er kopiera
Nýggjastu sendingar í ÚV
Nýggjastu sendingar í SV
