Nýggj funka á kvf.fo: Spola aftur á beinleiðis sjónvarpsstroyminum

Kennir tú kensluna, at vera ov seinur til Dag og viku og so noyðast at bíða eftir, at sendingin gerst tøk á heimasíðuni?

Nú nýtist tær ikki at bíða longur. 

Nú ber nevniliga til at spola tríggjar tímar aftur á beinleiðis sjónvarpsstroyminum á KvF.fo, so tú kanst hyggja at Degi og viku frá byrjan, hóast sendingin er byrjað. 

Tað sama er sjálvandi eisini galdandi fyri barnasendingar, dokumentarar og aðrar sendingar á sjónvarpsstroyminum hjá KvF.fo. 

KvF spolin, spola aftur, KvF.fo

Tað einasta, ið tú skalt gera, er at hála runda sirkulin á tíðarlinjuni aftur hartil, tú ynskir at hyggja frá. 

"NOT LIVE" merkir, at tú hevur spolað aftur á tíðarlinjuni. 

KvF spolin, spola aftur, KvF.fo

Um tú trýstir á "NOT LIVE", fer avspælarin aftur á "LIVE", sum merkir, at tú aftur hyggur at KvF-stroyminum beinleiðis. 

Nýggja funkan er ein liður í at menna heimasíðuna og talgildu tænasturnar hjá Kringvarpi Føroya.