Spola tveir tímar aftur á beinleiðis stroyminum á KVF.fo

Kennir tú kensluna at vera ov sein/ur til Dag og viku og so noyðast at bíða eftir, at sendingin gerst tøk á heimasíðuni?

Tær nýtist ikki at bíða longur, tí tað ber nevniliga til at spola tveir tímar aftur á beinleiðis sjónvarpsstroyminum á KVF.fo, hóast sendingin er byrjað. 

Tað einasta, ið tú skalt gera, er at trýsta á "Spola"-funkuna, sum er broytt eitt sindur í mun til áður.  

Spola aftur

Tá avspælarin við "spola"-funkuni er latin upp, so kanst tú hála runda sirkulin á tíðarlinjuni aftur hartil, tú ynskir at hyggja frá.

"NOT LIVE" merkir, at tú hevur spolað aftur á tíðarlinjuni, og at stroymurin sostatt ikki er "LIVE". 

Fyri at hyggja beinleiðis aftur, so skalt tú bara hála rundingin á tíðarlinjuni heilt framaftur til endan, soleiðis at "NOT LIVE"-skeltið skiftir aftur til "LIVE".