Gistingar settu met í fjør

Gistinæturnar á føroysku gistingarhúsunum settu met í fjør, vísa tøl hjá Hagstovuni. 

Umleið 230.000 gistinætur vóru á gistingarhúsunum.

Gistinætur telja, hvussu nógv og hvussu leingi gist verður.

Umleið 204.000 gistinætur vóru á gistingarhúsum í høvusstaðnum. Tað eru umleið tvær ferðir so nógv sum í 2019, ið annars var besta árið.

Aðrastaðni í landinum vóru 25.000 gistinætur, sum er væl meira enn í 2020, men kortini minni enn undir koronufarsóttini.

Ferðafólk úr øðrum londum enn Føroyum og Danmark settu eisini met í gistináttum í fjør. Tey vóru umleið tvífalt so nógv sum í 2021, vísa tølini.

Danir gistu eisini meira á føroyskum gistingarhúsum í fjør enn í fyrraárið, men føroyingar gistu ikki so nógv í fjør sum í 2021.