Gullak Madsen gevst í uppsjóvarvinnuni

Gullak Madsen gevst í uppsjóvarvinnuni
Skip og kvotur eru seld øðrum føroyingum, sum eisini eru í Hirtshals
Ruth er eitt av uppsjóvarskipunum, sum Gullak Madsen hevur átt, og sum nú fer á aðrar hendur.
Mynd: Fiskerforum.dk  
 
01.02.2023 - 08:57

Føroyingurin Gullak Madsen gevst nú í donsku uppsjóvarvinnuni. Eitt virksemi, sum hann byrjaði í 1988, og nú, 35 ár seinni, hevur føroyingurin selt skip og kvotur.

Hetta skrivar Portal.fo.

Virksemið fer tó ikki langt, tí tað verða framvegis føroyingar í Hirtshals, sum fara at eiga skip og kvotur.

Talan er um reiðaríini Beinur og Asbjørn, sum ávikavist familjan Tindskarð og familjan Magnussen í Hirtshals eiga.

Sum skilst,  verður Ruth nýggi Asbjørn, meðan kvoturnar verða býttar millum bæði reiðaríini, sum hava keypt virksemið hjá Gullaki Madsen. Hvussu nógv, Gullak hevur selt virksemið fyri, veit Portal.fo ikki.

 

Gullak Madsen gevst nú eftir 35 ár í donsku uppsjóvarvinnuni. 

 

Fegnast um søluna

Við heimasíðuna Fiskerforum.dk sigur Gullak Madsen seg fegnast um, at reiðaríið Ruth nú er selt til góð fólk í Hirtshals.

"Men tað er eingin loyna, at eg helst hevði sæð næsta ættarlið fáa møguleikan at reka reiðaríið víðari. Eg havi tríggjar fantastiskar døtur, sum hava allar førleikar og viljan til at reka fyritøkuna víðari. Men tær eru ikki fiskarar á dekkinum, sum er eitt av krøvunum fyri at gerast eigari av einum fiskifari í Danmark," sigur Gullak Madsen við Fiskerforum.dk, og hann heldur fram:

"Tað er reelt eingin møguleiki hjá kvinnum at etablera seg í donskum fiskiskapi ella at reka eina familjufyritøku sum okkara víðari. Tað er spell, at vit í Danmark í 2023 ikki hava fortreytirnar, sum draga tey, sum duga og hava hug til fiskiskap, til sín. Vit diskriminera tey, sum kanska ikki hava fysikkin til at standa á einum skipsdekki," sigur Gullak Madsen við Fiskerforum.dk.

Er kopiera
Nýggjastu sendingar í ÚV
Nýggjastu sendingar í SV
Mikudag 15. januar
Veðrið
186323
Týsdag 14. januar
Dagur og vika við 3-2 - teknmálstulkað
186275
Mánadag 13. januar
Við Gutta á fjalli - teknmálstulkað
186212
Mánadag 13. januar
Bragdið í Berlin
186209
Mánadag 13. januar
Hansina - teknmálstulkað
186205