Lutaíbúðir í Vági verða leiguíbúðir

Lutaíbúðir í Vági verða leiguíbúðir
Íbúðirnar hava staðið lidnar í meira enn hálvt ár, tí Vágs kommuna hevur ikki givið nýtsluloyvi
Bústaðir fara nú at leiga íbúðirnar í Vági út sum leiguíbúðir. (Savnsmynd: Dennis Holm)
 
02.02.2023 - 12:20

Tær seks íbúðirnar í Vági, sum upprunaliga skuldu seljast sum lutaíbúðir, verða nú leiguíbúðir.

Orsøkin er, at fíggingarstovnurin ikki metir, at tær hava tað virði, sum tær kosta at byggja, samanborið við søluvirðið aftaná. Í staðin verða íbúðirnar leigaðar út ígjøgnum Bústaðir, sigur Bjarni Johansen, borgarstjóri í Vági.

Íbúðirnar hava staðið lidnar í meira enn hálvt ár, tí Vágs kommuna hevur ikki givið nýtsluloyvi. Orsøkin er, at kjallararúm, sum hoyra til íbúðirnar, ið ikki hava verið nóg væl brandtryggjað.

Hetta hava Bústaðir sambært borgarstjóranum nú syrgt fyri, og í dag kl. 13.30 verður fundur millum Vágs kommunu og Bústaðir, har kommunan væntandi fer at játta nýtsluloyvi til íbúðirnar, sum síðani verða leigaðar út.   

Er kopiera
Nýggjastu sendingar í SV
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520