Kinesisk ballón í kolumbianskum loftrúmi

Ein kinesisk ballón aftrat er sædd sveima yvir Amerika,  hesa ferð í kolumbianskum loftrúmi.

Kinesiskir myndugleikar hava váttað, at ballónin, sum ferðast í 17.000 metrar hædd, er kinesisk.

Mao Ning, talsmaður hjá kinesiska uttaríkisráðnum, sigur sambært AFP, at ballónin er farin av kós.

Leygardagin skeyt USA eina líknandi ballón niður, tá hon var rikin av landøki út yvir Atlantshavið.

Kinesiskir myndugleikar hava funnist at USA fyri at skjóta ballónina niður, tí hon sambært Kina bert var brúkt til veðurmátingar.