Sleppur ikki undan karantenu

Tað ber ikki til bara at siga upp og so fáa pengar frá ALS. Ein góð orsøk krevst, ein orsøk, sum ALS góðtekur. 

Annars er karantenan átta vikur.

Kærunevndin hjá Arbeiðsloysisskipanini og Barsilsskipanini hevur staðfest eina avgerð hjá ALS um karantenu. 

Orsøkin er, at tann, sum kærdi, hevur ikki víst á haldgóða grund til at siga seg úr starvinum.

Fluttur í aðra bygd

Orsøkin var, at hann er fluttur í aðra bygd saman við familjuni. Maðurin eigur hús í bygdini, hann er fluttur til, og børnini eru farin í ein góðan skúla.

Uppsøgnin er grundað á heilt rímulig viðurskifti, heldur hann. Orsøkin til uppsøgnina er haldgóð, sigur hann.

Men tað halda ALS og kærunevndin ikki.

Maðurin sleppur ikki undan karantenuni í átta vikur.