Edva Jacobsen nýggjur aðalskrivari

1. mars tekur Edva Jacobsen við sum aðalskrivari í Bláa krossi. 

Edva Jacobsen er úr Fuglafirði. 

Hon er 58 ára gomul, hevur arbeitt 25 ár í peningastovni og hevur m.a. lokið akademiútbúgving í fíggjar- og vinnustýring.

Edva Jacobsen hevur verið tinglimur fyri Sambandsflokkin í níggju ár.

Hon hevur verið limur í Bláa Krossi frá ungum árum, skrivar Blái krossur.

Hon tekur við eftir Dakko Petersen, sum hevur verið aðalskrivari í Bláa krossi síðani 2017.

Blái krossur Føroya eigur og rekur m.a. Blákrossheimið á Nesi og Ávegishúsið í Lynggøtu í Havn, og hevur sjey klædna- og búnýtishandlar kring landið.

30 fólk arbeiða hjá Bláa krossi, og 400 fríyrkisfólk eru í felagsskapinum.