Zelenskyj í ES-tinginum

Urkainski forsetin, Volodymyr Zelenskyj, vitjar í hesum døgum í Evropa. 

Fyrrapartin helt hann røðu í ES-tinginum í Brússel.

- Russland roynir at gera av við okkum við kríggi. Tað eru ikki bara vit, sum eru hótt, men eisini Evropa, segði forsetin m.a. í røðuni.

Hann legði dent á, at Ukraina vil verða partur av evropeisku familjuni og liviháttinum her, men tað dámar ikki Russlandi.  

Volodymyr Zelenskyj

Eftir røðuna fekk Volodymyr Zelenskyj eitt ES-flagg frá forkvinnuni í tinginum, Robertu Metsola. 

- Tín háttur at stýra landinum, gevur íblástur til ukrainska fólkið, men eisini okkum øðrum. Tá heimurin hugsar um Ukraina, verður hugsað um hetjur, sum stríðast, tað er Dávid móti Goliat, segði Roberta Metsola.