15 dagbøtur fyri blúnisbrot

15 dagbøtur fyri blúnisbrot
Maðurin er dømdur fyri at klappa einari kvinnu, sum hann arbeiddi saman við, minst seks ferðir á afturpartin
Dømdi maðurin skuldi læra kvinnuna, sum júst var byrjað á arbeiðsplássinum, og hann var arbeiðsformaður hjá henni.
 
10.02.2023 - 08:37

Føroya rættur hevur givið einum 69 ára gomlum manni 15 dagbøtur á 500 krónur fyri blúnisbrot.

Talan er um kynsligan ágang á einum arbeiðsplássi.

Maðurin er dømdur fyri at klappa einari kvinnu, sum hann arbeiddi saman við, minst seks ferðir á afturpartin.

Hann er eisini dømdur fyri at gera viðmerkingar um klæðini, kvinnan var í, og hann spurdi um hennara undirklæði. Hann hevði haraftrat viðmerkingar um kroppin hjá kvinnuni.

Maðurin noktaði seg partvíst sekan.

 

Arbeiðsformaður

Maðurin skuldi læra kvinnuna, sum júst var byrjað á arbeiðsplássinum, og hann var arbeiðsformaður hjá henni.

Maðurin er dømdur at gjalda kvinnuni 10.160 kr. í endurgjaldi fyri tort og sviða.

Kvinnan var sjúkrameldað í átta mánaðir, tí hon var strongd. Blúnisbrotið er tó ikki orsøkin til allar sjúkradagarnar, sigur Føroya rættur.

Maðurin er bara dømdur at rinda endurgjald fyri 24 dagar.

Og hann fekk 7.500 kr. í dagbótum.

Er kopiera
Nýggjastu sendingar í ÚV
Týsdag 17. november
Vitan
216375
Týsdag 17. november
Vitan
216297
Mánadag 16. november
Norðurljóð 16.november 2026
215027
Nýggjastu sendingar í SV
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442

Annað frá KVF