Bjargaðu seks fólkum í húsatoftunum

101 tíma eftir jarðskjálvtarnar í Turkalandi vóru seks fólk bjargað úr eini húsatoft, skrivar AP.

Og 94 tímar eftir hørðu jarðskjálvtarnar í Turkalandi, funnu bjargingarlið í nátt ein tannáring, sum var á lívi. 

Hann lá undir eini húsatoft í býnum Gaziantep. 

Samstundis verða alsamt fleiri fólk funnin deyð í toftunum bæði í Turkalandi og í Sýria.

Fýra dagar eftir hørðu jarðskjálvtarnar á markinum millum Turkaland og Sýria, eru nærum 21.700 fólk funnin deyð.

Leitingin í túsundtals húsatoftum heldur fram, men útlitini fyri at finna fleiri á lívi minka alsamt.