Norra: Arne Treholt deyður

Treholt var norskur politikari og diplomatur, men fekk í 1985, tá ið hann hevði leiðandi starv í norska uttanríksiráðnum, dóm fyri at hava njósnast fyri táverandi Sovjetsamveldið.

Hann var dømdur 20 ára fongsulsrevsing, men var í 1993 náðaður av heilsuáðum.

Tá flutti hann til Russlands og seinni til Kypros, men hesi seinnu árini hevur hann verið búsitandi í russiska høvuðsstaðnum, Moskva.

Umstrítt rættarmál
Rættarmálið ímóti Arne Treholt er mest umrødda og eisini umstrídda njósnaragøla í norskari søgu.

Ikki minst, tí ivi seinni er reistur um fleiri av prógvunum, ið vórðu brúkt ímóti Treholt, men sum kundu vera falsað prógv.

Tríggjar ferðir royndi Arne Treholt at fáa málið tikið uppaftur, men fekk hvørja ferð noktandi svar – seinast í 2008.