Kostar 300.000 kr. at kanna bilasølur

Tað fer at kosta einar 300.000 krónur, um Kappingareftirlitið skal taka arbeiðið uppaftur at kanna bilasølurnar, sum var lagt til viks í fjør.

Tað kom fram í dag, tá munnligir fyrispurningar vóru svaraðir í løgtinginum. 

Fólkatingsvalið 2022, Steffan Klein Poulsen

Steffan Klein Poulsen í Miðflokkinum spurdi Høgna Hoydal, landsstýrismann. (Mynd: Bjarni Árting Rubeksen)

Steffan Klein Poulsen úr Miðflokkinum vildi vita, hví Kappingareftirlitið hevur lagt arbeiðið at kanna Bilasølurnar til viks, áðrenn kanningin var liðug. 

Kappingareftirlitið almannakunngjørdi í oktober í fjør eina kanning, sum vísti, at bilasølurnar í Føroyum hava størri vinning enn bilasølurnar í Danmark.  

Hví so er, varð ikki kannað, tí hetta krevur meiri orku. 

Samgongusamráðingar 2022, dagur 3, Høgni Hoydal

Høgni Hoydal, landsstýrismaður, svaraði Steffan Klein Poulsen. (Mynd: Bjarni Árting Rubeksen)

Heilt ítøkiliga fer tað at kosta einar 300.000 krónur at gera kanningina lidna, segði Høgni Hoydal, landsstýrismaður í vinnumálum, í svari sínum til Steffan Klein Poulsen: