Biden: Russland fer ongantíð at vinna á Ukraina

- Russland fer ongantíð at vinna á Ukraina. Ongantíð.

Tað segði amerikanski forsetin, Joe Biden, millum annað í røðuni, hann helt fyri stórari mannfjøld í pólska høvuðsstaðnum Warsawa í gjár.

- Hetta kríggið var ongantíð neyðugt. Tað var ein sorgarleikur. Putin forseti valdi hetta kríggið. Og fyri hvønn dag, kríggið varir, er tað hansara val. Hann kundi endað kríggið við einum orði. Tað er einfalt, segði amerikanski forsetin.

Fær fullan stuðul frá teimum sameindu

- Gevst Russland við innrásini, endar kríggið. Gevst Ukraina at verja seg fyri Russlandi, so endar Ukraina, segði Putin.

Amerikanski forsetin legði aftrat, at USA og øll hini sameindu londini halda fram at stuðla Ukraina í stríðnum móti russiska hersetingarvaldinum.

Eitt álop á eitt Nato-land, er eitt álop á øll NATO-lond, segði hann.

- Vit fara at verja hvønn tumma av NATO-økinum. Putin helt, at hann kundi slíta samgonguna; men NATO er meira sameint enn nakrantíð, segði Joe Biden í røðu síni í Póllandi í gjár.