Kvívíkingar í framhaldsdeild í Havn

Líkt er til, at børnini í Kvívík fara til Havnar næstu árini at ganga í framhaldsdeild.

Tórshavnar býráð fer í dag at viðgera eitt uppskot um tíðaravmarkaða samstarvsavtalu við Kvívíkar kommunu um, at næmingar í áttanda, níggjunda og tíggjunda flokki skulu ganga í skúla í Eysturskúlanum.

Kvívíkar kommuna hevur annars havt avtalu við Vestmanna kommunu um at lata næmingar ganga í framhaldsdeild har. 

Men seinasta árið eru næmingar í áttanda flokki slopnir at ganga í Eysturskúlanum.

Grundgevingin hjá Kvívíkar kommunu at skifta skúla var upprunaliga, at tilboðið av lærugreinum í Vestmanna skúla ikki er so stórt sum í einum størri skúla í Havn.