Ísland: Misálit á ráðharra, tí hon steðgaði hvalaveiðu

Nú eru tveir flokkar í Íslandi, sum ætla at leggja fram uppskot um misálit, tí Svandís Svavarsdóttir, ráðharri, steðgaði íslendsku hvalaveiðuni dagin fyri, hon skuldi byrja í fjør summar.

Altingsins umboðsmaður hevur sagt, at ráðharrin hevði ikki lógarheimild til at taka hetta stigið.

Katrin Jakobsdóttir, forsætisráðharri, hevur ikki gjørt nakað í málinum, og Svandís Svavarsdóttir er framvegis matvørumálaráðharri.

Altingsfundur verður mánadagin.

Flokkarnir báðir, Flokkur fólks­ins og Miðflokkurin, siga tó, at um okkurt lógaruppskot kemur um støðuna í Grindavík, sum hevur skund, eru teir sinnaðir at bíða við uppskotinum um misálit.