37 mál um trygdarbrot

Dátueftirlitið viðgjørdi 37 mál um trygdarbrot í 2022.

Hetta eru nógv fleiri enn í 2021, tá 18 mál um trygdarbrot vóru fráboðað. 

Tey flestu av teimum 37 málunum eigur tað almenna, tey eru 20.

Kommunur eiga trý og privat 14 mál um trygdarbrot.

Persónsupplýsingar

Trygdarbrot er, tá persónsupplýsingar av tilvild ella ólógliga vera burturbeindar, burturmistar, broyttar, óheimilað givnar víðari, ella at atgongd verður givin til persónsupplýsingar, sum eru sendar, goymdar ella á annan hátt viðgjørdar.

Í 18 málum metti Dátueftirlitið, at fráboðanin var í lagi og gjørdi ikki meira við málið. 

Í átta førum gav Dátueftirlitið kravboð, og í trimum førum gav Dátueftirlitið átalu, tvær vóru álvarsligar. 

Vakmyndatól

Dátueftirlitið fekk í 2022 24 fráboðanir um vakmyndatól. Nú er fráboðanir um 307 vakmyndatól skrásettar.

Dátueftirlitið stovnaði 379 mál í 2022, og 141 munnligir fyrispurningar vóru.