Keypt fiskiloyvi sum ikki er til

Dømi eru um, at fólk hava goldið fyri fiskiloyvi, sum ikki er til.

Tað sigur Vørn, sum ger vart við, at fiskiloyvi mugu ikki skifta eigara uttan góðkenning frá Vørn.

Vørn sær av og á, at fiskiloyvi í bólki 5 eru til sølu á sosialum miðlum ella torgum. 

Vørn heitir á fólk um altíð at venda sær til Vørn, áðrenn tey keypa fiskiloyvi.

Vørn sigur eisini, at fiskiloyvi í bólki 5 bara kann flytast til ein annan bát, um bátur verður skiftur út ella seldur.

Fiskiloyvi í bólki 5 kann tí ikki seljast einsamalt.