Stuðulin fer til kappingar og venjingarlegur

- Kappingar, venjingarlegur og útgerð. 

Tað verður millum annað tað, sum stuðulsupphæddin frá Ítróttasambandi Føroya skal brúkast til, sigur Jónas Gunnleivsson Isaksen, sum er ein av teimum, sum fekk stuðul til úrvalsítrótt.

Rennarin úr Kvívík, sum gjørdist evropameistari í 200 metra renning í fjør, er tann einstaklingurin, sum hevur fingið størstu upphæddina, 125.000 krónur.

Hoyr innslag í úvarpstíðindunum: 

1,6 milliónir

16 íðkarar og fimm lið hava fingið tilsamans eina millión og 630.000 krónur í stuðli til úrvalsítrótt.

Tær 21 umsóknirnar, sum fingu játtandi svar, eru úr 10 ítróttargreinum.

Størsta stuðulin, 250.000 kr., fær A-landsliðið hjá monnum í hondbólti.

Ungdómslandslið hjá monnum í hondbólti fær eisini 250.000 kr.

Nevndin í Úrvali hjá ÍSF fekk 37 umsóknir um stuðul til úrvalsítrótt í 2024. Søkt var um 6,2 milliónir krónur.