- Tíðindi, mentan og ítróttur
Partrolararnir brúkiligan fiskiskap
![](https://kvf.fo/sites/default/files/styles/grein-ovasta-mynd/public/fullsizeoutput_1e62.jpeg?itok=8DpABvtC)
Nú hava partrolarar brúkiligt fiskarí, sigur Fiskamarknaðurin.
Fýra pør vóru úti fríggjadagin, tá Fiskamarknaðurin metti um hesa vikuna.
Bæði ísfiskalínuskipini liggja.
Fimm frystilínuskip eru við Ísland og trý eru við Føroyar.
Streymurin er hampuligur og veðrið verður gott fyrst í vikuni, men meira skiftandi seinni í vikuni.
Fiska við snellu
Fiskaríið hjá útróðrarbátum er brúkiligt. Fleiri eru nú farnir at fiska við snellu.
Tveir djúpvatnstrolarar er á Íslandsrygginum, og ein fiskar svartkalva.
Fýra trolbátar eru á Skeivabanka, tveir á tí norðara tóvinum og tveir á syðra.
Teir á tí syðra tóvinum fáa hvíting og havtasku. Hinir fáa næstan bara havtasku.
Ein trolbátur er norðanfyri. Hann fær tosk, hýsu og flatfisk.
Tvey garnaskip fiska svartkalva og eitt fiskar havtasku.