Játtaðu stuðul til Varpið í Varpinum

Klaksvíkar býráð samtykti einmælt við aðru viðgerð í gjár at lata mentanarhúsinum Varpinum tríggjar milliónir krónur í íløgustuðli.

Varpið søkti um fimm milliónir.

Søkt var eisini um fimm milliónir í fíggjarlógini fyri 2024, men har kom einki. 

Býráðsfundurin gjár var hildin júst í Varpinum. Tað var fyrstu ferð, at býráðsfundur var har. 

Kommunan skrivar á heimasíðuni, at í áratíggju eru fundirnir hjá býráðnum hildnir í býráðshúsinum.

Tí er hetta ein søguligur fundur, nú regluligu fundirnir frameftir vera í nýggja mentanarhúsinum, skrivar kommunan.