Vinstrahall minni tolsemi

Vinstrahall minni tolsemi
Vinstrahallir veljarar í Danmark hava minst tolsemi, tá ið tað kemur til menniskju við aðrari politiskari áskoðan.
 
24.02.2024 - 18:33

Tað vísir ein stór veljarakanning, sum er gjørd í sambandi við, at fólkatingsvalið í fyrraárið verður greinað.

Sum heild hava danskarar sínamillum stórt tolsemi, men kortini sigur fjórðihvør seg ikki vilja hava, at børnini skulu finna sær maka úr einum flokki, ið meinar tað øvuta av foreldrunum.

Og her er tað, at tað serliga eru tey á vinstravonginum, sum í ógvusligan mun ikki vilja vita av teimum, sum politiskt eru uttast til høgru.

Eftir hvørt fólkatingsval síðani 1971 eru veljarar spurdir eina røð av spurningum, og á tann hátt ber til at fylgja við, hvat fólk halda og hugsa, skrivar Ritzau.

Umleið 7.500 danskarar verða spurdir hvørja ferð.

Er kopiera
Nýggjastu sendingar í ÚV
Sunnudag 16. juni
EM tíðindi 16. juni 2024
176826
Leygardag 15. juni
Upp á tá - 150624
176790
Leygardag 15. juni
Jambalaja - 150624
176785
Leygardag 15. juni
EM tíðindi - 15. juni 2024
176776