43 uppskot løgd fyri tingið

43 uppskot løgd fyri tingið
Landsstýrið eigur 30 uppskot, andstøðan 10,  og trý uppskot eru tvørpolitisk
Av teimum 43 uppskotunum, sum eru løgd fram, eru 36 lógaruppskot, trý uppskot til samtyktar, trý ríkislógartilmælir og ein eykajáttan.
 
07.03.2024 - 14:43

43 uppskot eru løgd fyri tingið í dag.

Landsstýrið eigur 30 uppskot, andstøðan 10,  og trý uppskot eru tvørpolitisk. 

Millum uppskotini er eitt frá formansskapinum um broytingar í samsýning og eftirløn hjá tingfólkum og tvey uppskot um broytingar í fosturtøkulógini, eitt frá Bjarna Kárason Petersen, landsstýrismanni, og eitt frá Miðflokkinum. 

 

Gongd í haga og næmingatal

Harumframt hevur Høgna Hoydal, landsstýrismaður, millum annað lagt fram uppskot um ein trygdarpolitikk og nógv umrødda málið um gongd í haga,

Djóni Nolsøe Joensen, landsstýrismaður, hevur eitt uppskot um at lækka næmingatalið í fólkaskúlanum.

Tvey uppskot eru frá Ingilín Strøm, landsstýriskvinnu, um elveitingarlógina og eina nýggja pantskipan, og Fólkaflokkurin hevur eitt uppskot um at linka revsitiltøkini móti Russlandi, so at russisk skip aftur sleppa í føroyskar havnir. 

 

36 lógaruppskot

Av teimum 43 uppskotunum eru 36 lógaruppskot, trý uppskot til samtyktar, trý ríkislógartilmælir og ein eykajáttan.

Í dag er seinasti framløgudagur í hesari tingsetuni. 

Tí skuldu uppskot, sum skulu viðgerast í tingsetuni, leggjast fram í dag.

Tað merkir tó ikki, at nýggj uppskot ikki kunnu leggjast fram restina av tingsetuni. 

Uppskot kunnu leggjast fram seinni, um minst 17 tingfólk siga, at tað er í lagi. 
 

Er kopiera
Nýggjastu sendingar í ÚV
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettup
216723
Fríggjadag 20. november
RagnarRokk:Chris Flynn um Dreams of the Disappeared
215804
Hósdag 19. november
RagnarRokk 19.november 2026
216177
Nýggjastu sendingar í SV
Fríggjadag 20. november
Dagur og vika - teknmálstulkað
216714
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565