Seinasta orðið ikki sagt um Gellingarklett

Yvirlandbúnaðarstevna verður um myllurnar á Gellingarkletti 4. apríl.

Úrskurðurin hjá landbúnaðarstevnuni fyri Streymoyar sýslu 12. oktober 2020 er lagdur fyri Yvirlandbúnaðarstevnuna.

Niðurstøðan hjá landbúnaðarstevnuni var millum annað, at avgerðin hjá Búnaðarstovuni 31. juli 2019 um at leiga lendið við Gellingarklett til orkumyndugleikan verður afturkallað.

Tilsøgnin frá 3. november 2005 frá Búnaðarstovuni til Sigert Patursson stendur við.

Tí verður Búnaðarstovan dømd til at gera leigusáttmála við festaran Sigert Patursson um lendið á Gellingarkletti til vindmyllur.

Í yvirlandbúnaðarstevnuni eru vald Marianna Simonsen í Miðvági, Jonna Krog Poulsen á Sandi,  Archibald Black í Klaksvík og Anja Eliassen á Trøllanesi.

Yvirlandbúnaðarstevnan verður í Dómhúsinum.