Betri trygging 84 milliónir í avlopi í fjør

Betri trygging hevði 84 milliónir krónur í avlopi eftir skatt í fjør.

Tað var 10 mió. kr í 2022.

Serliga gott íløguavkast gjørdi 2023 til eitt so gott ár.

358 mió. í skaðaendurgjaldi

Skaðaendurgjøldini vóru 358 mió. kr í fjør.

Betri trygging sigur, at bara einaferð áður hava verið fleiri skaðar enn í fjør. Serliga var tað ódnin í februar, sum elvdi til nógvar skaðar.

Skaðaendurgjøldini vóru nakað minni í 2022, 225 mió. kr..

Betri trygging væntar, at avlopið í ár verður millum 40 og 70 mió. kr. fyri skatt.