Tvey eldfim mál í tinginum í dag

Tvey mál, sum hava stóran almennan áhuga, eru á skránni hjá løgtinginum í dag.

Annað er uppskotið hjá Bjarna Kárasyni Petersen, landsstýrismanni, um fosturtøkulóg, og hitt er uppskotið hjá meirilutanum í formansskapinum um lønir og eftirlønir hjá tingfólki.

Tað uppskotið fer í eina grein 25 nevnd.

Fyrst skal tó atkvøðast, um tað skal í slíka nevnd.

Verður tað samtykt, verður nevndin vald alt fyri eitt. 

Serlig nevnd

Sambært grein 25 í tingskipanini kann løgtingið seta nevnd at geva løgtinginum tilmæli í ávísum málum. 

Hesar nevndir sita bara til nevndin hevur avgreitt setning sín og í ongum føri longur enn til tingsetan endar. 

Vanliga hava allir flokkar fólk í grein 25 nevndum.

Uppskotið um fosturtøkulóg fer í rættarnevndina.

Tingfundurin í dag byrjar klokkan hálvgum tíggju.

Næsti tingfundur eftir tann í dag verður 11.apríl.