Sarah Mahfoud í ringin í nátt

Nú fær Sarah Mahfoud aftur kjansin at gerast heimsmeistari í boksing.

Í nátt skal hon boksa ímóti avstralsku Skye Nicolson í Las Vegas um heimsmeistaraheitið í fjaðurvekt, ið er fyri nevaleikarar sum viga upp í 58 kilo.

"Hetta verður risastórt", segði Sarah Mahfoud, tá vit tosaðu við hana í gjárkvøldið.

Møguleikin fyri at gerast WBC-heimsmeistari kom, tí verandi meistari, Amanda Serrano, í desember frásegði sær HM-belti sum mótmæli móti reglunum. 

Hon var ónøgd við, at WBC ikki vildi geva undantaksloyvi frá reglunum um, at heimsmeistaradystir hjá kvinnum skulu vera 10 umfør upp á tveir minuttir hvørt. 

Tí gav samtakið Saruh Mahfoud og Skye Nicolson HM-dystin.

Dysturin verður í Fontainbleau í Las Vegas.

Avstraliarin Skye Nicolson hevur boksað níggju professionellar dystir og vunnið allar, og Sarah Mahfoud hevur boksað 15 dystir og tapt ein - hon tapti dystin HM-dystin móti Amandu Serrano í 2022.

Sarah Mahfoud var seinast í ringinum í oktober í fjør, og tá vann hon á Marcela Acuna úr Argentina.

Hoyrið samrøðu við Saruh Mahfoud her: