Sarah Mahfoud tapti HM-dystin

Sarah Mahfoud tapti í nátt dystin um WBC-beltið móti avstralsku Skye Nicholson í Las Vegas.

Avstralska kvinnan vann dystin upp á stig eftir 10 umfør.

Tveir av teimum trimum dómarunum dømdu dystin 100-90 til Nicholson, og tann triði dømdi 99-91. Tað merkir, at triði dómarin metti, at Sarah Mahfoud hevði verið betri í einum av teimum tíggju umførunum. Men samanumtikið var talan um greitt tap.

Veddingarfyritøkurnar høvdu Skye Nicholson sum greiðan favoritt at gerast heimsmeistari, men Sarah Mahfoud segði við kringvarpið í fyrradagin, at hon hevði góðar vónir um at vinna á avstralska favorittinum.

Hetta var 16. professionelli dystur hjá Saruh Mahfoud og bert aðru ferð, at hon tapti.