Hækka ávvaringarstigið í Íslandi

Almannaverndin í Íslandi hevur hækkað ávaringarstigið. Útlit eru fyri at eitt nýtt eldgos kann koma við Sundhnúk hvørja løtu.

Tað sigur Bergur Hermans Bergsson, ið arbeiðir á íslendsku Veðurstovuni.

Tekin eru um, at eldgos er á veg aftur - enn eru ikki jarðskjálvtar, men ógvuslig grótbræðing er í økinum.

At ávaringarstigið er hækkað merkir, at fólk skulu vera fyrireikaði uppá, at okkurt kann henda við stuttum fyrivarni, sigur Bergur Hermans Bergsson.