Landið letur 15 milliónir til Oyggjaleikirnar

Landið skal lata ÍSF upp í 15 mió. kr. til Oyggjaleikirnar í 2027.

Sirið Stenberg, landsstýriskvinna, bað í gjár løgtingið um pengarnar.

Løgmansskrivstovan hevur viðgjørt málið saman við Fíggjarmálaráðnum.

Tey eru samd um, at landskassatrygd er ikki nóg nógv. Slík landskassatrygd er annars í lóg frá 2018.

Oyggjaleikirnir eru mettir at kosta 22 mió. kr.

Inntøkur frá atgongumerkjum og sponsorum skulu geva sjey milliónir.

Landskassastuðulin skal latast í trimum, 2,5 milliónir í 2025, 2,5 milliónir í 2026 og tíggju milliónir í 2027.