Semingsroyndin á privata arbeiðsmarknaðinum er byrjað

Semingsroyndin á privata arbeiðsmarknaðinum er byrjað
Ætlanin er at sita við pørtunum, til tað røkkur ella støkkur, sigur semingsmaðurin
Terje Sigurðsson, semingsmaður.
Mynd: Bjarni Árting Rubeksen  
 
08.05.2024 - 10:09

Semingsroyndin er byrjað í sambandi við sáttmálasamráðingarnar á privata arbeiðsmarknaðinum, sum slitnaðu fríggjadagin.

Terje Sigurðsson, semingsmaður, sigur í stuttari viðmerking við útvarpið fyri løtu síðani, at partarnir hittast nú klokkan 10, og ætlanin er at halda á, til tað røkkur ella støkkur.

Forfundir hava verið í gjár og fyrradagin við partarnar hvør sær.

Partarnir handaðu krøvini 22. mars, og fyrsti samráðingarfundur var 4. apríl.

Føroya arbeiðarafelag, Havnar arbeiðarafelag, Klaksvíkar arbeiðskvinnufelag og Klaksvíkar arbeiðsmannafelag hava samráðst saman við Arbeiðsgevarafelagið, meðan Havnar arbeiðskvinnufelag hevur havt samráðingar fyri seg. 

Semingsstovnurin hevur útsett ein møguligan arbeiðssteðg til fríggjadagin 10. mai á midnátt. 

 

Ikki fingið fundarboð

Í samráðingunum millum Havnar arbeiðskvinnufelag og arbeiðsgevararnar hava arbeiðsgevararnir sent boð eftir semingsstovninum. Tað hendi eisini fríggjadagin.

Vígdis Johannesen, forkvinna í Havnar arbeiðskvinnufelag, sigur við útvarpið, at semingsstovnurin spurdi, um felagið vildi sita saman við hinum feløgunum í eini semingsroynd. 

- Tað hava vit einki ímóti. Men enn hava vit ikki fingið fundarboð, sigur Vígdis Johannesen.

Er kopiera
Nýggjastu sendingar í ÚV
Nýggjastu sendingar í SV
Mikudag 13. august
Dagur og vika - teknmálstulkað
195526
Týsdag 12. august
Veðrið
195508
Fríggjadag 8. august
Veðrið - teknmálstulkað
195406
Fríggjadag 8. august
Dagur og vika - teknmálstulkað
195405
Fríggjadag 8. august
Veðrið
195397