Tvey fólk flutt á Landssjúkrahúsið eftir ferðsluóhapp

Tvey fólk vóru flutt á Landssjúkrahúsið eftir eitt ferðsluóhapp vestan fyri Norðskálatunnilin í morgun.

Løgreglan fekk boð klokkan 8.17, at tveir bilar høvdu stoytt saman 450 metrar frá tunnilsmunnanum norðskálamegin, á teininum oman móti rundkoyringini.

Ein maður var í øðrum bilinum og ein kvinna í hinum. Bæði vóru flutt á Landssjúkrahúsið, men løgreglan veit ikki at siga, um tey hava fingið álvarsligan skaða.

Báðir bilarnir fingu stóran skaða.