Tvey stórmál nærkast álitum

Vinnunevndin hjá løgtinginum hevði fund í gjár um tey bæði stórmálini um burðardygga ferðavinnu, vanliga kallað uppskotið um gongd í haga, og um uppskotið um tøkugjald hjá alivinnuni.

Erhard Joensen, formaður í nevndini, sigur, at hann skal frætta frá hinum í nevndini í dag.

Tey skulu siga, hvørja støðu tey hava, nú álit skulu skrivast. 

Siðani fer nevndin at viðgera málini í morgin.

Kanska kemur álitið um tøkugjaldið týsdagin og álitið um burðardygga ferðavinnu mikudagin, sigur formaðurin í vinnunevndini.

Meira vil hann ikki siga nú, heldur ikki, um Sambandsflokkurin tekur undir við uppskotinum hjá samgonguni um burðardygga ferðvinnu.