Eingin áhugi fyri nýggjum íbúðum - leigan er ov dýr

10.990 krónur um mánaðin og 500 krónur fyri hita. Harumframt kemur SEV-gjaldið.

So nógv kostar tað at leiga eina nýggja 92 fermetrar stóra íbúð, sum Bústaðir hava bygt í Heinagerði í Streymnesi. 

Eingin áhugi er millum fólk fyri at leiga íbúðirnar, og sambært varaborgarstjóranum í Sunda kommunu, Eyðstein Zachariasen, er tað tí leiguprísurin er alt ov høgur.

Eyðstein Zachariasen

Eyðstein Zachariasen

Hoyr innslag í útvarpstíðindunum:

Fólk, sum standa á bíðilista hjá Bústøðum, hava nú fingið teldupost, har boðað verður frá, at leigan verður lækkað úr 10.990 krónum niður í 9.800 krónur um mánaðin. Hitin kostar 500 kr., og harumframt kemur SEV-gjaldið.