Diesel uppi á fáum støðum

Sambært Finn Jakobsen, stjóra í Magn, er onki diesel eftir á tveimum støðum - á Magn við Ringvegin í Havn og á støðini við Streymin. Eisini er so smátt farið at ganga undan við diesel í Miðvági.

Gunnar Nielsen, stjóri í Effo, sigur, at á støðini á Argjum er tómt fyri diesel og bensin, og á Effo-støðini í Sørvági er diesel við at ganga undan.

Báðir stjórarnir siga, at skelti verða sett upp á pumpurnar har onki diesel ella bensin er eftir. Skeltini vísa til aðrar støðir, har hesi eru at fáa.