Allan: Errin at vera partur av hesum

Allan: Errin at vera partur av hesum
Føroyski hondbóltsspælarin Allan Norðberg og felag hansara, Valur, skrivaðu íslendska hondbóltssøgu í gjárkvøldið, tá teir vunnu European Cup
Allan Norðberg er fyrsti føroyingurin, sum hevur vunnið eina evropeiska hondbóltskapping fyri feløg
Mynd: Mynd: Valur  
 
26.05.2024 - 14:11

Føroyski hondbóltsspælarin Allan Norðberg og felag hansara, Valur, skrivaðu íslendska hondbóltssøgu, tá teir vunnu European Cup í Grikkalandi leygarkvøldið.

Hoyr innslag í tíðindunum

1675175

 

Seinni dysturin var hádramatiskur, og brotskastskapping var neyðug, áðrenn Allan Norðberg og liðfelagarnir kundu fegnast um sigurin. Valur er fyrsta íslendska felagið, sum hevur vunnið eina evropeiska kapping.

Royndi føroyski vongurin spældi stóran leiklut í samanlagda sigrinum hjá íslendingunum. Allan Norðberg skoraði trý mál í sjálvum dystinum, og var tryggur úr sjey metrum, tá alt skuldi avgerast við brotskastskapping.

Valur hevði vunnið fyrra dystin, men leiðslan hvarv sum døgg fyri sól framman fyri stóru griksku fjøldini. Eina løtu vóru grikkar átta mál frammanfyri, men treisku íslendingarnir komu afturíaftur, og tá tað endaði við javnleiki samanlagt, varð farið til brotskastskappingina.

 

Er kopiera
Nýggjastu sendingar í ÚV
Sunnudag 16. juni
EM tíðindi 16. juni 2024
176826
Leygardag 15. juni
Upp á tá - 150624
176790
Leygardag 15. juni
Jambalaja - 150624
176785
Leygardag 15. juni
EM tíðindi - 15. juni 2024
176776