Sverri rakk ikki heiðursmerki

Sverri Sandberg Nielsen rakk ikki heiðursmerki, tá hann róði finalu í einskullara til World Cup-stevnu í Lucerne sunnudagin. 

Miðvingurin endaði á 4. plássi við tíðini 6,59.82. 

Hetta var góð fimm sekund aftan fyri Yauheni Zalaty úr Hvítarusslandi, sum fekk bronsuna, og góð 11 sekund aftan fyri hollendingin, Simon Van Dorp, sum fór avstað við gullinum framman fyri týskaranum, Oliver Ziedler. 

World Rowing spáar, at einskullarafinalan í Lucerne kann vísa seg at gerast ein aðalroynd til OL-finaluna í París í summar.