Handverkarar fara ikki í samhugaverkfall

Føroya Handverkarafelag fer ikki í samhugaverkfall við arbeiðarafeløgunum. 

Tað váttar Suni Simonsen, formaður í felagnum, í morgun. 

Limafeløgini í Føroya Handverkarafelag eru Klaksvíkar-, Norðstreymoyar-, Vestmanna-, Vága-, Fuglafjarðar- og Nes Sóknar Handverkarafelag, umframt Føroya Flogteknikarafelag.

Hini handverkarafeløgini eru limir í Landsfelag Handverkaranna. Tey eru Havnar-, Skála-, Vágs- og Tvøroyrar Handverkarafelag, umframt Grafiska Yrkisfelagið. 

Suni Simonsen sigur, at Føroya Handverkarafelag metir seg ikki hava heimild at fara í samhugaverkfall, tí felagið hevur sáttmála við arbeiðsgevarafelagið.

Hoyr samrøðu við Suna Simonsen her: