Taka nú semingsroyndina uppaftur

Terje Sigurðsson, semingsmaður, heldur nú grundarlag vera fyri at taka semingsroyndina við fakfeløgini í verkfalli og arbeiðsgevararnar uppaftur.

Tað er greitt eftir fundin, sum semingsmaðurin hevði við umboð fyri partarnar fyrrapartin.

Hann hevur boðað arbeiðarafeløgunum og arbeiðsgevarunum til seming fríggjadagin klokkan 13.

Havnar arbeiðskvinnufelag, sum hevur samráðst fyri seg, og sum eisini er í verkfalli, hevur somuleiðis fingið boð um at koma til seming saman við hinum pørtunum. 

Meiri verður at frætta í útvarpstíðindunum klokkan 12.20.