24 íbúðir byggjast í Norðragøtu

Tað er partafelagið Eyðabø, sum er dóttirfelag hjá lokala reiðarínum Varðin, sum fer at byggja saman við Búsetri.

Í fyrstu syftu skulu 24 íbúðir byggjast í tveimum íbúðarblokkum. Møguliga verða tó 10 íbúðir afturat bygdar, tí eitt øki verður gjørt byggibúgvið til ein møguligan triðja blokk, skrivar Varðin á heimasíðu síni.  

Sáttmáli er undirskrivaður við Búsetur um at gera vega- og lendisarbeiðið til íbúðarøkið. 

Samstarvsavtala er eisini gjørd millum Eysturkommunu og partafelagið Eyðabø, sum loyvir Eysturkommunu at leiga nakrar av íbúðunum. 

Íbúðirnar skulu eftir ætlan verða lidnar við ársenda 2026.